पापा ❤️

 

12:12 PM 15/January /2025 To 25/2/2025 Around 2.45 A:M

PAPA

Papa Kya Hua Naraz Se Lagtey Ho

Kya Hua Tabiyat Thik Nahi Hai Tumhari,

Ya Hamse Pareshan Lagtey Ho,

Maanta Hoo Main Abhi Tak Kuch Kar Paaya Nahi,

Tumhara Sahara Ban Paya Nahi,

Tumhare He Tukdo Par He To Pal Raha Hoon,

Khud Se Kuch Kar Paaya Nahi,

Tumhari Tabiyat Kharab Dekh Kuch Bol Bhi Paya Nahi,

Thanda Pad Gaya Main Zubaan Se Kuch Nikal Paaya He Nahi,

Tabiyat Kharab Hone Par Bhi Thik Hoon Main, Yahi Kahtey Ho,

Itna Dard Aakhir Hamare Liye Kyun Sahtey Ho,

Apne Sapne Bhula Kar Hamare Poore Karoge,

Kabtak Hamare Liye Itni Mehnat Karoge,

Papa Main Kahna Chahta Hoon Ki Kaam Chhod Do Ab,

Par Kuch Wajah Mujhe Rok Detin Hain,

Tumhare Liye Bhi Mere Bahot Sapne Hain,

Bas Tumhare Rahtey Un Sabhi Ko Poora Kardu Itni Si Zindagi Chahta Hoon,

Bolna Bahot Kuch Chahta Hoon Tumse Par Kaha Kuch Kah Paata Hoon,

Hath Pair Dekh Ke Tumhare Dil Saham Jaata Hai,

Dil Andar Se Bahot Rota Hai, Kaha Khudko Sambhal Paata Hai,

Tumhare Sath Guzara Har Lamha Yaad Rakhta Hoon,

Tumhari Khuwaishey Jaan Kar Bhi Kuch Nahi Kar Paa Raha Hoon,

Kya Karu Papa Kuch Nahi Kah Paa Raha Hoon,

Tumhari Tabiyat Kharab Hote He, Ghar Ke Halat Kharab Hotey Dekhein Hain,

Hum Kaha Sambhal Payenge Ghar Ko Sambhalne Wale Hum Kon Hotey Hai,

Apna Bachpana Tumne Bahot Dukh Se Kaata Hai,

Main Samajh To Sakta Hoo Par Har Koi Kaha Samajh Paata Hai,

Jawani Tumhari Kamane Me Nikal Gayi Khud Ke Liye Kaha Kuch Kar Paaye,

Pariwar Sambhalne Ke Liye Tum Dilli Bhaag Aaye,

Kiraye Se Utha Ke Ek Khoobsurat Aashiyane Me Paala Hai,

Tumse Badhkar Mere Liye Na Koi Upar Wala Hai,

Delhi Jaise Sahar Me Yun Kaha Koi Tik Pata Hai,

Tumne To Hamari Zindagi Ko Bahot Sawara Hai,

Khudki Khusiyaan Bhi To Tumne Gawa Di 

Hame Har Khushiyon Se Nawaza Hai,

Aaj Sochta Hoo Sab To Samajh Aata Hai Ek Kam Padha Likha Ladka Jo Thik Se Padh Bhi Nahi Paaya, 

Padhne Ki Chah Rakhne Wala Kaha Kuch Kar Paata Hai,

Sabka Bair Tumhe Andar Se Khaata Hai

Tumhara Zahan Sirf Apne Baccho Ke Liye Chup Rah Jaata Hai,

Papa Ab Hum Bade To Ho Gaye Par

Hum Kuch Kar Kaha Paaye Hai,

Jo Hai Sab Tumhara Hai, Hum Kaha Apnaa Paayein Hai,

Main Chahunga Tumhe Wo Har Khushi Dena Jo Maine Socha Hai,

Kaise Sah Lete Ho Itna Papa Mujhse Kyu Kuch Sahan Nahi Hota Hai,

Tumhari Baatein Mere Dil Me Hamesha Rahegi,

Tumhari Aankhein Mujhe Na Kahkar Bhi Bahot Kuch Kahengi,

Aaj Bhi Jab Dekhhta Hoo Kaam Pe Jaate Huye

Sochta Hoo Kyu Kaam Karte Ho Itna Kiski Liye Bhala

Raah Dekhta Hoo Tumhari Roz Aate Huye,

Ye Armaan Sare Me Mere Seene Me Dafan Na Rah Jaaye 

Meri Umar Bhi Papa Kash Tumko He Lag Jaaye,

Ye Zindagi Badi Bojhal Si Lagti Hai Papa

Naa Jaane Kaise Tumne 50 Saal Bita Diye

Main To 25 Me Bhi Khush Nahi 

Kuch Khuaishey Hai Jo Main Poora Karna Chahta Hoo 

Bahot Pyaar Hai Tumse Kaha Kah Paata Hoon,

Aakhir Hoon To Ladka He Kaha Bata Paata Hoo

Tumhare Aate He Tumhari Nazro Se Door Sa Ho Jaata Hoon,

Nazre Churane Ki Koshish Rahti Hai 

Par Kaha Chura Paata Hoon,

Ye Zindagi Ke Silsile Bahot Door Tak Ke Nahi Hai,

Khudko Dekhta Hoo To Sochta Hoon

Papa Tumhari Ye Aulad He Sahi Nahi Hai,

Khoob Padhaya Tumne Mujhe Main Yaha Tak Jo Aaya Hoon,

Kabhi Ban Paaya Agar Kuch To Sirf Tumhari Wajah Se He Ban Paaya Hoon,

Kabtak Saath Doge Kabhi To Daant Diya Karo

Ab Bachpana Nahi Raha Kah Kar Na Taal Diya Karo,

Zindagi Sikha Rahi Hai Baap Hone Ka Farz,

Kaise Chuka Paunga Papa Main Tumhara Karz,

Ek Ek Paisa Khoon Paseene Ka Hai Tumhare

Poore Kiya Tumne Sare Sapne Hamare,

Kis Ghadi Me Ye Bala Ayegi 

Jab Hamare Through Aapki Zindagi Safal Ho Payegi..

Dekh Ke Tumhe Mujhe Sukoon Aata Hai

Bahot Pyar Hai Papa Tumse Mujhe Kaha Kaha Jaata Hai...,

Love You Papa ❤️

Happy 51st Birthday Papa..❤️

Aur Shukriya Ye Haseen Si Zindagi Dene Ke Liye..❤️🎊

Written By = @ajaykasanaofficial

Follow = @kasana_writes